Raza Musani 
کوئٹہ: بلوچستان کے علاقے خاران میں نامعلوم افراد کی فائرنگ سے بلوچستان ہائی کورٹ کے سابق چیف جسٹس نور محمد مسکانزئی جاں بحق ہوگئے۔ نامعلوم افراد نے مسجد کے باہر فائرنگ کی ۔پولیس کے مطابق نور محمد مسکانزئی کو پیٹ میں 4 گولیاں لگی تھیں۔ ادھر ضلع مستونگ میں ریموٹ کنٹرول بم دھماکے کے نتیجے میں 3 افراد جاں بحق اور 5 زخمی ہوگئے۔ دھماکے کی زد میں گزشتہ رات قتل ہونے والے شخص کی میت اٹھانے والے افراد آئے۔ ٹیوب ویل پر کام کرنے والے شخص کو گزشتہ رات قتل کرکے لاش ویرانے میں پھینکی گئی تھی، جس کے بعد مقتول کے ورثا اور رشتہ دار اطلاع ملنے پر لاش اٹھانے گئے تھے۔
