Raza Musani 
سڈنی : آسٹریلیا کے وزیرِ اعظم انتھونی البانیز نے نفرت، تقسیم اور بنیاد پرستی کے خلاف کریک ڈاؤن کا اعلان کردیا۔ کینبرا میں پریس کانفرنس کرتے ہوئے آسٹریلوی وزیر اعظم نے کہا کہ انتہا پسندی اور نفرت پھیلانے والوں کے ویزے منسوخ یا جاری کرنے سے متعلق وزیرِ داخلہ کو نئے اختیارات دیے جائیں گے۔ انہوں نے کہا کہ ایک نئی ٹاسک فورس قائم کی جائے گا تاکہ تعلیمی نظام میں یہ یقینی بنایا جا سکے کہ وہ یہود مخالف تعصب کی روک تھام کرے اس سے نمٹے اور اس کا مؤثر جواب دے۔ انتھونی البانیزنے کہا کہ نئے قوانین میں ایسے مبلغین اور رہنماؤں کے لیے سزائیں بھی شامل ہوں گی جو تشدد کو فروغ دیتے ہیں۔ انہوں نے کہاکہ یہ واضح ہے کہ ہمیں اس لعنت کا مقابلہ کرنے کے لیے اور بھی بہت کچھ کرنے کی ضرورت ہے۔انہوں نے کہا کہ دہشت گردوں نے آسٹریلوی عوام کو ایک دوسرے کے خلاف کرنے کی کوشش کی، تاہم آسٹریلوی عوام نے اس نفرت انگیز عمل کے جواب میں غم زدہ خاندانوں کے ساتھ محبت اور ہمدردی کا اظہار کیا۔
