Raza Musani 
واشنگٹن : امریکا کے سو سے زائد قانونی ماہرین نے ٹرمپ انتظامیہ کو خبردار کیاہےکہ ایران پر امریکا اور اسرائیل کے حملے اقوام متحدہ کے چارٹر کی خلاف ورزی اور ممکنہ طور پر جنگی جرائم کے زمرے میں آتے ہیں۔ امریکی بین الاقوامی قانون کے ماہرین کی جانب سے جاری مشترکہ خط میں کہا گیا ہے کہ ایران پر حملوں کے طریقہ کار اور اعلیٰ امریکی حکام کے بیانات بین الاقوامی انسانی حقوق اور انسانی ہمدردی کے قوانین کی سنگین خلاف ورزیوں کی نشاندہی کرتے ہیں۔ خط میں خاص طور پر شہری اہداف کو نشانہ بنانے اور انفراسٹرکچر پر حملوں پر تشویش ظاہر کی گئی ہے جو جنیوا کنونشن کے تحت ممنوع ہیں۔ قانونی ماہرین کا کہنا ہے کہ ایسے اقدامات نہ صرف بین الاقوامی قوانین کو کمزور کرتے ہیں بلکہ عالمی امن اور استحکام کے لیے بھی خطرہ ہیں۔ انہوں نے مطالبہ کیا کہ ان حملوں کی آزادانہ تحقیقات کر کے ذمہ داران کو انصاف کے کٹہرے میں لایا جائے۔
