Raza Musani 
یمنی مسلح افواج کے ترجمان بریگیڈیئر جنرل یحیی السریع نے غاصب صیہونی رژیم کے مرکز میں واقع اہم صیہونی ٹھکانوں کے خلاف 2 مزاحمتی حملوں کا اعلان کیا ہے۔ اس حوالے سے جاری ہونے والے بیان میں جنرل یحیی السریع نے بتایا کہ پہلی مزاحمتی کارروائی میں مقبوضہ فلسطین کے علاقے عسقلان میں واقع غاصب اسرائیلی فوج کے ایک اہم ہیڈ کوارٹر کو نشانہ بنایا گیا جبکہ دوسری مزاحمتی کارروائی مقبوضہ یافا (تل ابیب) میں واقع اہم صیہونی فوجی ٹھکانوں کے خلاف انجام پائی ہے۔ انہوں نے اعلان کیا کہ یمن، غاصب اسرائیلی دشمن کے خلاف اپنی مزاحمتی کارروائیاں فلسطینی مزاحمت سمیت مسلم آزادی پسندوں کے مطالبے پر انجام دے رہا ہے۔ یمنی مسلح افواج کے ترجمان نے ایک بار پھر تاکید کی کہ یمنی مزاحمتی آپریشن، جنگ غزہ اور غزہ کی پٹی کے انسانیت سوز محاصرے کے خاتمے تک جاری رہیں گے۔
