Raza Musani 
غزہ : صیہونی فوج نے مسلسل دوسرے دن بھی غزہ پر حملے کئے ہیں۔ تازہ حملے میں دو افراد کی شہادت کے بعد شہدا کی مجموعی تعداد باون بچوں سمیت ایک سو بیس تک جاپہنچی۔ صیہونی فوج نے حماس پر جنگ بندی کی خلاف ورزی کا الزام لگا کر منگل کو رات بھر غزہ پر وحشیانہ حملے کئے۔ سب سے زیادہ شدید حملے خان یونس میں کئے گئے جہاں کئی رہائشی مقامات کو ملیامیٹ کردیا گیا۔ حملوں میں بڑے پیمانے پر جانی نقصان ہوا جبکہ کئی افراد ملبے تلے دب گئے۔ گذشتہ روز ملبے سے بعض لاشیں نکال کر اسپتال منتقل کی گئیں۔ شہدا میں تئیس خواتین اور سات معذور افراد بھی شامل ہیں۔
دو سال سے جاری اس نشل کشی میں شہدا کی مجموعی تعداد اڑسٹھ ہزار سات سو کے قریب پہنچ گئی ہے۔ گیارہ اکتوبر کو جنگ بندی کے بعد سے اب تک دو سو گیارہ افراد شہید کئے جاچکے ہیں جبکہ ملبے سے 482 لاشیں نکالی جا چکی ہیں۔
