Raza Musani 
فینکس: امریکی ریاست ایریزونا کی اسٹیٹ یونیورسٹی میں اسرائیل مخالف مظاہرین میں شامل 4 مسلم طالبات کو پولیس نے گرفتار کرلیا اور زبردستی ان کے سر سے اسکارف اُتار لیا۔
امریکی میڈیا کے مطابق ایریزونا کی اسٹیٹ یونیورسٹی میں طلبا نے فلسطینیوں کے ساتھ اظہار یکجہتی اور اسرائیل کے خلاف مظاہرے کیے۔ پولیس نے مظاہرین کو تشدد کا نشانہ بنایا اور سیکڑوں طلبا کو گرفتار کرلیا۔
پولیس نے جن طلبا کو حراست میں لیا ان میں سے 4 مسلم طالغ کو ہتھکڑی لگاکر لے جایا گیا اور زبردستی ان کے سر سے اسکارف اُتار دیا جن کی ویڈیو سوشل میڈیا پر وائرل ہوگئی۔ ویڈیو میں دیکھا جا سکتا ہے کہ ایک طالبہ کے ہاتھ پشت پر بندھے ہوئے اور پولیس اہلکار خاتون کے سر سے اسکارف اتار رہے ہیں جب کہ وہ چلا کر کہہ رہے ہی ہیں کہ ایسا مت کرو یہ میرا بنیادی حق ہے۔
امریکی مسلم کمیونٹی کی جانب سے اسکارف زبردستی اتارنے کے واقعے کی شدید مذمت کی گئی ہے۔ مسلم رہنماؤں نے دیے گئے بیان میں الزام عائد کیا ہے کہ ایریزونا اسٹیٹ یونیورسٹی کا پولیس ڈیپارٹمنٹ اس واقعے میں ملوث ہے۔
