Raza Musani 
جدہ: عرب لیگ اور چین نے فلسطین کے دوریاستی حل کیلئے عملی کام پر زور دیا ہے۔ عرب لیگ کے سیکریٹری جنرل احمد ابوالغیط نےکہاکہ فلسطینی عوام کی مایوسی بدترین نتائج کی نشاندہی کرتی ہے ۔ اس سے پورے خطے کے استحکام کو خطرہ لاحق ہے۔ انہوں نے کہا کہ عالمی برادری پر لازم ہے کہ وہ صورتحال میں بگاڑ کو روکنے کے لیے اپنی ذمہ داریاں ادا کرے اور دو ریاستی حل پر مبنی تصفیہ کے حصول کے لیے سنجیدہ کوششیں شروع کرے۔ انہوں نے خبردار کیا کہ دو ریاستی حل کو نظر انداز کرنے کے بدترین نتائج نکلیں گے۔ چین نے بھی کہا ہے کہ عالمی برادری کو دو ریاستی حل کو اتفاق رائے سے عملی شکل دینے کے لیے کام کرنا چاہیے۔ اقوام متحدہ میں چین کے مستقل مندوب ژانگ جون نے کہاکہ بین الاقوامی برادری کی جانب سے ہر روز بے عملی امن کے لیے نقصان دہ، انصاف کاقتل اور اگلی نسل کے لیے ناکامی ہے۔
