Raza Musani 
ابو ظہبی : متحدہ عرب امارات نے غزہ کے انتظامی امور سنبھالنے کی اسرائیلی دعوت کو سختی سے مسترد کردیا۔ اماراتی وزیرِ خارجہ شیخ عبداللہ بن زائد نے ایک بیان میں کہا کہ نیتن یاہو کے پاس امارات کو غزہ کی سول انتظامیہ کا حصہ بننے کا تقاضہ کرنے کا کوئی جائز اختیار نہیں ہے۔ انہوں نےکہا کہ عرب امارات ایسے کسی بھی منصوبے کا حصہ بننے سے انکار کرتا ہے جس کا مقصد غزہ میں اسرائیل کی موجودگی کو جواز فراہم کرنا ہو۔ انہوں نے کہا کہ فلسطینی عوام کی امیدوں اور امنگوں سے ہم آہنگ خود مختار فلسطینی ریاست کے قیام کے بعد متحدہ عرب امارات اُس فلسطینی حکومت کو ہر قسم کی مدد فراہم کرنے کے لیے پوری طرح آمادہ تیار ہو گا۔ انہوں نے سات ماہ سے جاری بحران کا سیاسی حل تلاش کرنے اور دو ریاستی حل کے لیے راستہ ہموار کرنے کی اہمیت کا حوالہ دیا جس سے ایک آزاد فلسطینی ریاست قائم ہو گی۔
