شام کے ائرڈیفنس سسٹم نے اسرائیل کا ایک اور میزائل حملہ ناکام بنا دیا

دمشق : شام کے ائرڈیفنس سسٹم نے صیہونی فوج کا ایک اور میزائل حملہ ناکام بنادیا۔ صیہونی فوج نے طرطوس اور حما کے شہروں کے دیہی علاقوں پر میزائل داغے۔ائرڈیفنس سسٹم نے زیادہ تر میزائلوں کو مار گرایا، میزائل کے ٹکڑے گرنے سے بعض علاقوں میں آگ لگ گئی۔ جبکہ دو شہری زخمی ہوئے۔گولان کی پہاڑیوں پر قبضے کی وجہ سے شام اور اسرائیلی افواج حالت جنگ میں ہیں۔اسرائیل اس علاقے میں نمایاں فوجی موجودگی برقرار رکھتا ہے، جسے وہ شامی سرزمین کے خلاف اپنے حملوں کے لیے اپنے لانچ پیڈ کے طور پر استعمال کرتا ہے۔