اوہائیو میں پولیس کی حراست میں ایک اور سیاہ فام ہلاک

اوہائیو: امریکی ریاست اوہائیو میں پولیس حراست میں ایک اور سیاہ فام کی ہلاکت نے چار سال پرانے واقعہ کی یاد تازہ کردی۔
پولیس نے فوری طور پر گرفتاری میں ملوث پولیس اہلکاروں کو معطل کردیا ہے۔ 18 اپریل کو پیش آنے والے واقعے کی ویڈیو گردش کررہی ہے جس میں دیکھا جاسکتا ہے کہ پولیس ایک کلب میں داخل ہوتی ہے تو خاتون کہتی ہے کہ اسے فوری طور پر یہاں سے نکالو۔ پولیس اہلکار سیاہ فام شخص کو پکڑ کر زمین پر لٹاتے ہیں اور اس کی گردن پر گھٹنا رکھ دیتے ہیں۔ سیاہ فام شخص بار بار کہتا ہے کہ اس کی سانس رک رہی ہے۔ شیرف کو بلاؤ لیکن پولیس اہلکار ایک نہیں سنتا حالت خراب ہونے پر اسے اسپتال منتقل کیا گیا لیکن وہ جانبر نہ ہوسکا۔ پولیس ڈیپارٹمنٹ نے واقعے کی مکمل تحقیقات کا وعدہ کیا ہے۔ 2020 میں بالکل اسی طرح پولیس اہلکار نے جارج فلائیڈ نامی سیاہ فام کی گردن پر گھٹنا رکھ کر جان سے مار ڈالا تھا جس پر ہنگامے پھوٹ پڑے تھے۔