Ilyas الحاقی منصوبے پرعملدرآمد سے جنگل کا قانون رائج ہوگا،عالمی برادری نوٹس لے
لندن (نیوز ڈیسک )ایمنسٹی انٹرنیشنل نے غرب اردن کے مقبوضہ فلسطین میں الحاق کو غیرقانونی قرار دیتے ہوئے اُسے روکنے کا مطالبہ کردیا، ایمنشٹی انٹرنیشنل نے ایک بیان میں کہا کہ الحاقی منصوبے پرعمل درآمد سے جنگل کا قانون رائج ہوگا اور اسرائیلی حکام کو فوری طور پراپنے اس منصوبے پر عمل درآمد روک دینا چاہئے، الحاقی منصوبہ بین الاقوامی قوانین کی خلاف ورزی ہے اور اس سے وہاں کئی عشروں سے رہنے والے فلسطینیوں کے حقوق کی پامالی کا سلسلہ تیز ہو جائے گا،ایمنسٹی انٹرنیشنل نے عالمی برادری سے مطالبہ کیا کہ وہ سرزمین فلسطین پرغیرقانونی صہیونی کالونیوں کی تعمیر اور الحاق کے پروگرام کے مقابلے میں بھرپور اقدامات کرے
