Raza Musani 
گلگت : مرکزی انجمن امامیہ گلگت نے 2005 کے بعد کئے گئے تمام امن معاہدوں اور ضابطہ اخلاق سے دستبرداری کا اعلان کردیا۔ مرکزی امامیہ مسجد گلگت میں آغا سید راحت الحسینی کی زیرصدارت علمائے کرام۔ عمائدین۔ دانشوروں اور ملی تنظیموں کا اجلاس ہوا جس میں موجودہ ملکی و علاقائی صورتحال کا جائزہ لیا گیا۔ اجلاس میں کئی اہم فیصلے کئے گئے جن کا اعلان آغا سید راحت الحسینی نے اجلاس کے بعد کیا۔ اجلاس میں فیصلہ کیا گیا کہ تکفیری مولوی قاضی نثار کی امام زمانہ علیہ السلام کی شام میں بدترین گستاخی کو شریعت کی روح کے مطابق نمٹا جائے گا۔ آغا راحت الحسینی نے کہا کہ 2005 کے بعد کئے گئے تمام امن معاہدے منسوخ کردئے گئے ہیں اور آئندہ کسی قسم کا معاہدہ کرنے سے اجتناب کیا جائے گا۔ انہوں نے کہاکہ جامعہ قراقرم میں یوم حسین ع کے پروگرام کے سلسلے میں انجمن امامیہ گلگت کو اختیار ہے کہ وہ جامعہ قراقرم انتظامیہ اور شیعہ طلباء کی مشاورت سے پروگرام کی جگہ اور وقت کا تعین کریں۔ انہوں نے اپیل کی کہ یکم ربیع الاول کے پروگرام میں بھرپور شرکت کرکے پروگرام کو کامیاب بنایا جائے۔ انہوں ںے کہا کہ رواں سال گلگت میں چہلم امام حسین کا اجتماع تاریخی ہوگا۔
