Ilyas 
حزب اللہ کا اسرائیلی جاسوس الفاخوری کی رہائی میں کوئی کردار نہیں، جھوٹی باتیں پھیلائی جا رہی ہیں، دشمن مزاحمتی محاذ پر عوام کے اعتماد کو سلب کرنا چاہتے ہیں
الفاخوری کی گرفتاری کے وقت سے ہی امریکا نے دھمکیاں دینا شروع کر دی تھیں،امریکی دباؤ پر جھکنا مستقبل میں امریکی دباؤمیں اضافے کا سبب بنے گا
بیروت (نیوزڈیسک)حزب اللہ کے سربراہ سید حسن نصراللہ نے صہیونی جاسوس الفاخوری کی رہائی پر شدید احتجاج کرتے ہوئے اُسے امریکی دباؤ کا نتیجہ قرار دیا اور خبردار کیا کہ یہ اقدام مستقبل میں امریکی دباؤمیں اضافے کا سبب بنے گا،انہوں نے الفاخوری کی رہائی میں کوئی کردار ادا کرنے کی تردید کرتے ہوئے کہا کہ ا س بارے میں بہت سی افواہیں اور جھوٹی باتیں پھیلائی جا رہی ہیں، دشمن مزاحمتی محاذ پر عوام کے اعتماد کو سلب کرنا چاہتے ہیں، انہوں نے کہا کہ امریکا نے 6ماہ پہلے جاسو س کی گرفتاری کے وقت سے ہی دھمکیاں دینا شروع کر دی تھیں اور لبنان حکومت پر آزادی کے لئے دباؤ ڈالنا شروع کر دیا تھا، امریکا نے لبنانی حکومت کے کچھ وزرا اور سیاسی شخصیات کو براہ راست دھمکی دی تھی کہ اگر فاخوری پر عائد تمام الزامات ختم نہ کئے تو لبنان پرسخت اقتصادی پابندیاں عائد کر دی جائیں گی،انہوں نے اس مسئلے میں امریکی دباؤ کے سامنے جھکنے کو خطرناک قرار دیا اور کہا کہ مستقبل میں یہ امریکا کے زیادہ دباؤ کا پیش خیمہ بنے گا۔
