ایران میں القدس ریلی، اسرائیل مردہ باد سے فضا گونج اٹھی

تہران : یوم القدس پر ایران کے دارالحکومت تہران سمیت مختلف صوبوں، شہروں، اضلاع اور مختلف علاقوں میں لاکھوں افراد سڑکوں پر آگئے۔ اور فضا اسرائیل مردہ باد، امریکہ مردہ باد اور ھیھات من الذلہ کے نعروں سے گونج اٹھی۔ ایران کی سڑکیں فلسطین کے مظلوم اور مقتدر عوام کی حمایت میں دلفریب مناظر پیش کر رہی ہیں، ہر طرف فلسطین، حماس ،ایران، مسجد الاقصی، امام خمینی (رح) ، رہبر انقلاب اسلامی آیت اللہ العظمی سید علی خامنہ ای اور شہید جنرل قاسم سلیمانی کی تصاویر دکھائی دے رہی ہیں۔ امام خمینی ؒ نے 7 اگست 1979 میں اسلامی انقلاب کی کامیابی کے بعد اپنے ایک تاریخی بیان میں رمضان المبارک کے آخری جمعہ کو عالمی یوم القدس کے طور پر منانے کا اعلان کیا تھا۔