جنگ بندی معاہدہ کے دوسرے مرحلے میں امداد محدود کی جائے، اسرائیلی فوج

تل ابیب : اسرائیلی فوج نے امریکا کے مجوزہ جنگ بندی منصوبے کے دوسرے مرحلے میں غزہ کے لیے یومیہ امدادی ٹرکوں کی تعداد کم کرنے کی سفارش کردی۔ اسرائیلی فوجی ذرائع کا کہنا ہے کہ دوسرے مرحلے میں یومیہ امدادی ٹرکوں کی تعداد 600 سے کم کر کے تقریباً 200 کی جانی چاہیے۔ جنگ سے پہلے اور بعد کی پیشہ ورانہ جانچ سے ظاہر ہوتا ہے کہ غزہ کی آبادی کو روزانہ تقریباً 200 ٹرکوں کی ہی ضرورت ہے۔ اسرائیلی فوج کا دعویٰ ہے کہ 200 ٹرک سے زائد آنے والی تقریباً تمام امداد حماس اپنے کنٹرول میں لے لیتی ہے اور اسے غزہ میں اپنی گرفت مضبوط کرنے کے لیے استعمال کرتی ہے۔ اسرائیلی فوج کے مطابق دوسرے مرحلے میں یومیہ امداد کی رفتار کو برقرار رکھنے کی کوئی پابندی نہیں، خاص طور پر جب بین الاقوامی این جی اوز بھی اس بوجھ سے تھک چکی ہیں۔