اسرائیل اورامارت میں معاہدہ ، تعلقات بحالی کی شروعات

 اسرائیل کی دفاعی کمپنیوں رافیل ایڈوانس سسٹم ، اسرائیل ائرواسپیس انڈسٹریز اور عرب امارات کی کمپنی گروپ 42 کے باہمی تعاون کے معاہدے پر دستخط
 کمپنیاں کورونا وائرس سے متعلق تحقیق، نمٹنے کے طریقوں اور آلات بنانے میں تعاون کریں گی،معاہد ہ تعلقات معمول پر لانے کی بنیاد بنے گا،اسرائیلی وزیراعظم
 ابوظہبی(نیوز ڈیسک) متحدہ عرب امارات نے امت مسلمہ سے خیانت کا سلسلہ جاری رکھتے ہوئے اسرائیل سے معاہدوں کا آغاز کردیا، اسرائیل کی دفاعی کمپنیوں رافیل ایڈوانس سسٹم ، اسرائیل ائرواسپیس انڈسٹریز اور متحدہ عرب امارات کی کمپنی گروپ 42 نے باہمی تعاون کے معاہدے پر دستخط کئے ہیں، معاہدے کے تحت امارات اور اسرائیل کی کمپنیاں کورونا وائرس سے متعلق تحقیق،اس سے نمٹنے کے طریقوں اور آلات بنانے میں ایک دوسرے سے تعاون کریں گی، اسرائیلی وزیر اعظم بنیامین نتن یاہو نے معاہدے کا خیرمقدم کیا ہے اور کہا کہ دونوں ممالک کورونا وائرس سے لڑنے کیلئے تعاون کریں گے ،معاہدہ حالیہ ماہ میں اسرائیل اور متحدہ عرب امارات کے درمیان مذاکرات کے نتیجے میں حاصل ہوا ہے، یہ معاہدہ دونوں ممالک کے درمیان تعلقات معمول پر لانے کی بنیاد بنے گا۔