Raza Musani 
ماسکو: روس نے ایک بار پھر خبردار کیا ہے کہ امریکا کے تلخ اقدامات براہ راست تصادم کا سبب بن سکتے ہیں۔ روسی وزارت خارجہ کی ترجمان ماریا زاخارووا نے کہاکہ افغانستان میں ناکامی کے بعد امریکا نئے تنازعے میں مزید الجھتا جا رہا ہے یہ سب کیف حکومت کی فنڈنگ، مسلح کرنے میں مدد اور فوج کو بڑھانے کے اقدام سے بھی واضح ہے۔ انہوں نے کہا کہ یہ ایک خطرناک معاملہ اور دور اندیشی سے عاری پالیسی ہے۔ یہ امریکا اور روس کو براہ راست تصادم کے دہانے پر کھڑا کرنے کے مترادف ہے۔ انہوں نے کہاکہ جو کچھ ہو رہا ہے وہ امریکا کا تمام وسائل کا استعمال کر کے بھی اپنی بالادستی برقرار رکھنے کی خواہش کا فطری نتیجہ ہے۔ انہوں نے مطالبہ کیا کہ واشنگٹن کو ماسکو کی آواز کو بھی ضرور سننا چاہیے۔
