رفح پر حملے کے بعد، فلسطینی مزاحمتی تنظیموں کے اسرائیلی فوج پر حملوں میں اضافہ

غزہ : فلسطینی مزاحمتی تنظیموں نے اسرائیلی فوج پر حملے تیز کردیئے ہیں۔ رفح پر اسرائیلی حملے کے بعد غزہ میں فلسطینی مزاحمتی تنظیموں نے اسرائیل کے خلاف کارروائیاں تیز کردی ہیں۔ تازہ حملوں میں الجہاد بریگیڈ نے اسرائیلی فوج پر راکٹ حملے کیے ہیں۔ مزاحمتی تنظیم کے ترجمان کے مطابق حملے میں اسرائیلی فوج کی چوکی کو نشانہ بنایا گیا جس میں متعدد فوجی ہلاک و زخمی ہوئے ہیں۔
القسام بریگیڈ نے بھی جنوبی اسرائیل میں ایک فوجی چھاؤنی کو میزائلوں سے نشانہ بنایا ہے۔القدس بریگیڈ نے چھاپہ مار کارروائی میں پانچ اسرائیلی فوجی ہلاک کرنے کا دعویٰ کیا ہے۔ مزاحمتی تنظیموں نے خبردار کیا ہے کہ اگر اسرائیل نے اپنی فوج رفح سے واپس نہیں بلائی تو اسے جارحیت کی بھاری قیمت ادا کرنا ہوگی۔