Raza Musani 
کابل : افغانستان کے کئی صوبوں میں پانچ روز کے دوران شدید سیلاب اور طوفان سے 20 افراد ہلاک جبکہ 30 زخمی ہوگئے۔ سیلاب سے متاثرہ صوبوں میں قندھار، ہلمند، ہیرات، بدخشاں، تخار، پروان، قندوز، میدان وردک، بغلان، فریاب اور جوزجان شامل ہیں۔ بغلان، پروان اور بدغیز سب سے زیادہ متاثر ہوئے۔ ڈیزاسٹر مینجمنٹ کے نائب وزیر شرف الدین مسلم کا کہنا ہے کہ تازہ ترین سیلاب نے فریاب اور پروان کے صوبوں کے ساتھ ساتھ دیگر مختلف علاقوں کو بھی اپنی لپیٹ میں لے لیا ہے۔ 10 صوبوں میں 18 سے 20 افراد ہلاک ہوئے ہیں اور 100 سے زائد مکانات بھی تباہ ہو گئے ہیں۔ 2 افراد لاپتہ ہیں جبکہ 30 دیگر زخمی ہوئے ہیں۔
