افغان امریکا تعلقات عملی طور پر ایک نئے مرحلے میں داخل

کابل : افغان طالبان کے وزیرِ خارجہ مولوی امیر خان متقی نے کہا ہےکہ افغانستان اور امریکہ کے تعلقات عملی طور پر ایک نئے مرحلے میں داخل ہو چکے ہیں. امیر خان متقی نے یہ بات سابق امریکی نمائندہ خصوصی زلمے خلیل زاد سے کابل میں ملاقات کےدوران کہی۔ انہوں نے امریکہ کے ساتھ تعلقات کے ایک نئے دور کے آغاز اور مسلسل مکالمے کے ذریعے روابط کو بڑھانے پر زور دیا۔
افغان وزارتِ خارجہ نے ملاقات کے حوالے سے کہا کہ زلمے خلیل زاد نے افغانستان میں قابلِ اعتماد سکیورٹی اور تعمیرِ نو کے شعبے میں پیشرفت کو قابلِ تعریف قرار دیاا ور دونوں ممالک کے درمیان جاری مذاکرات کو اہم قرار دیتے ہوئے دو طرفہ ملاقاتوں کے تسلسل پر زور دیا۔ وزارتِ خارجہ کے سیاسی شعبے کے سربراہ ذاکر جلالی نے کہا کہ دونوں ممالک کے تعلقات میں نہ صرف کوئی پیچیدگی باقی نہیں رہی بلکہ بڑے ترقیاتی منصوبوں جیسے قندھار ایئرپورٹ اور ہلمند کے کجکی ڈیم میں امریکا کے مثبت کردار کو نظرانداز نہیں کیا جا سکتا۔