Raza Musani 
واشنگٹن : افغان طالبان نے دہشت گرد تنظیم کالعدم تحریک طالبان پاکستان کی حمایت ترک کرنے سے انکار کردیا۔ امریکی تھنک ٹینک انسٹی ٹیوٹ آف پیس کے مطابق افغان طالبان کالعدم ٹی ٹی پی کی حمایت کرتے ہیں اور اسے پناہ گاہیں بھی فراہم کرتے ہیں، کابل کی اسلام آباد کی پالیسیوں پرتنقید طالبان کے ٹی ٹی پی کی حمایت جاری رکھنے کا عزم اجاگر کرتی ہے۔ ۔تھنک ٹینک کے مطابق طالبان کی ٹی ٹی پی کی حمایت بند کرنے کا امکان نہیں ہے کیونکہ انہیں لگتا ہے کہ معاشی مشکلات اسلام آباد کو ٹی ٹی پی کے خلاف بڑا آپریشن شروع کرنے سے روکتی ہیں۔ جبکہ سیاسی گروہوں کے دباؤ کی وجہ سے بھی پاکستان افغان سرحد کے پار فضائی حملے کرنے میں بھی ہچکچاہٹ کا شکار ہے۔ پاکستان کے معاشی بحران اور افغانستان میں طالبان کی حکمرانی کے باعث پاکستانی طالبان ایک تیزی سے طاقتور خطرے کے طور پر دوبارہ ابھرے ہیں۔ خراب معاشی صورتِ حال نے کالعدم ٹی ٹی پی کے خلاف پاکستان کے ملٹری آپریشن کو محدود کردیا ہے۔
