مصنوعی ذہانت میں پیشرفت قومی سلامتی کیلئے خطرہ ہے، چین

بیجنگ : چین کی حکومت نے مصنوعی ذہانت کے شعبے میں پیش رفت کو قومی سلامتی کیلئے خطرہ قرار دیدیا۔ چین کے صدر شی جن پنگ کی سربراہی میں اجلاس ہوا, جس میں قومی سلامتی کے تحفظ اور انٹرنیٹ ڈیٹا سمیت مصنوعی ذہانت کی سکیورٹی بہتر کرنے پر زور دیا گیا۔ چینی صدر نے قومی سلامتی کو درپیش پیچیدہ چیلنجز پر گہری نظر رکھنے کی ہدایت کی۔اجلاس کے بعد جاری بیان میں کہا گیا ہے کہ عالمی وباؤں اور جوہری جنگ کے ساتھ ساتھ مصنوعی ذہانت کے سبب معدومیت کے خطرے کو کم کرنا بھی عالمی سطح پر ممالک کی ترجیح ہونی چاہیے۔ واضح رہے کہ ایک دن پہلے ہی امریکہ میں سائنسدانوں اور ٹیکنالوجی انڈسٹری کے سربراہان نے آرٹیفیشل انٹیلیجنس کو انسانیت کے لیے خطرہ قرار دیا تھا۔