Raza Musani 
تہران: دفاعی فضائی فوجی مشقوں اور زیر زمین میزائل ٹھکانوں کی رونمائی کے بعد ایک ہزار جدید ڈرونز فوج کے حوالے کردئے گئے۔ ڈرونز سمندر میں اترنے اور ٹیک آف کرنے کی صلاحیت رکھتے ہیں اور انہیں اسمارٹائزیشن اور زمینی افواج کے آپریشنز میں تعاون کے لیے تعینات کیا جا سکتا ہے۔
وزیر دفاع بریگیڈیئر جنرل عزیز ناصر زادہ نے کہا کہ ڈرونز نے ایرانی فوج میں ایسی صلاحیت پیدا کر دی ہے جس نے اسے ضرورت پڑنے پر آسمانوں کو اپنی کمان میں لانے اور دشمن کو مہلک ضربیں لگانے کے قابل بنا دیا ہے. سپاہ پاسدران کے کمانڈر جنرل سلامی نے کہا کہ یہ ایران کی میزائل توانائیوں کا صرف ایک حصہ ہے۔ ان کا کہنا تھا کہ دشمن یہ سمجھ رہا تھا کہ ہماری پروڈکشن لائن منقطع ہوگئی ہے لیکن اسے یہ جان لینا چاہئے کہ ہم روزانہ کی بنیاد پر اپنی دفاعی توانائیوں میں اضافہ کررہے ہيں اور میزائل، ڈرون اور بحری شعبوں میں بے مثال طاقت حاصل کر چکے ہیں.
