قابض فوج کے ہاتھوں معذورفلسطینی نوجوان کی شہادت پر غم و غصہ کی لہر

جب تک دنیا اسرائیل کو قانون سے بالاتر سمجھتی رہے گی انصاف نہیں ہوگا، صائب ارکات
مقبوضہ بیت المقدس(نیوز ڈیسک) اسرائیل پولیس نے ذہنی معذورنوجوان کو گولیاں مار کر شہید کردیا جس پر غم و غصہ کی لہر دوڑ گئی ، وزیر دفاع بنی گانز نے واقعہ پر اظہار افسو س کرتے ہوئے کہا کہ واقعے کی جلد از جلد تحقیقات مکمل کی جائیں گی اور ان سے نتائج اخذ کیے جائیں گے، نوجوان 32 سالہ ایاد الحلاق کے جنازے میں سینکڑوں فلسطینی شہریوں نے شرکت کی،ایاد الحلاق کے رشتے کے بھائی ڈاکٹر حاتم عووی نے بتایا کہ ایاد کو معلوم نہیں تھا کہ پولیس آفیسر کیا ہوتا ہے، ایاد نے ایک اجنبی دیکھا اور وہاں سے بھاگنے کی کوشش کی اور پھر ان کو گولی مار دی گئی، پی ایل او کے سیکریٹری جنرل صائب ارکات نے کہا کہ جب تک دنیا اسرائیل کو قانون سے بالاتر ریاست سمجھتی رہے گی اس طرح کے جرائم پر انصاف نہیں ہو گا۔