Raza Musani 
لاہور : وفاق المدارس الشیعہ پاکستان سے ملحقہ مدارس طالبات کی مجلس عاملہ کا اجلاس 21 مارچ کو جامعةالمنتظر لاہور میں طلب کر لیا گیا ہے۔ اجلاس میں مدارس طالبات کی صدر معلمات شریک ہونگی۔ جس کیلئے گیارہ نکاتی ایجنڈا جاری کر دیا گیا ہے۔ ایجنڈے کے مطابق یکساں قومی نصاب، وفاق المدارس کی کارکردگی، مدارس طالبات میں شہادةالعالمیہ کی تدریس کا جائزہ اور مشکلات کا حل، مجلس مشاورت برائے مدارس طالبات کی فعالیت، امتحانی امور، تحریر و تقریر کیلئے طالبات کی تربیت، مدارس طالبات کے مابین علمی مسابقات، تربیت معلمات پروگرام، رجسٹریشن فارم، کوائف اور رجسٹریشن فیس کے معاملات ایجنڈے میں شامل ہیں۔
