Raza Musani 
دہلی : نئی دہلی میں میونسپل انتظامیہ نے سات سو سال پرانی مسجد اور درگاہ کو مسمار کردیا۔دہلی ڈیوپلمنٹ اتھارٹی نے شہر میں انسداد تجاوزات کے نام پر مساجد اور درگاہیں گرانے کا سلسلہ جاری رکھا ہوا ہے۔ انتظامیہ نے دہلی میں اوبرائے ہوٹل کے سامنے واقع قدیمی مسجد الفردوسی پر بلڈوزر چلادیا۔ جبکہ مسجد سے متصل نظام الدین قبرستان میں قدیم درگاہ کو بھی گرادیا گیا۔ مسجد اور درگاہ سات سو سال سے زیادہ پرانے ہیں۔ انتظامیہ کا کہنا ہے کہ مسجد اور مدرسے کو عدالت کے حکم اور دہلی وقف بورڈ کی اجازت سے گرایا گیا ہے کیونکہ مسجد درگاہ اور قبرستان ڈی ڈی اے کی زمین پر قائم ہیں۔ مقامی افراد کا کہنا ہےکہ جی ٹوئنٹی اجلاس اور بیوٹیفکیشن کے نام پر مسلمانوں کی عبادگاہوں کو تباہ کیا جارہا ہے۔ جبکہ شہر میں موجود دوسری تجاوزات برقرار ہیں۔
