پاکستان میں 48 فیصد اہل افراد کو کورونا ویکسین کا ایک ڈوز لگ گیا، اسد عمر

اسلام آباد : وفاقی وزیر اسد عمر کا کہنا ہے کہ پنجاب میں ویکسین کی اہل نصف سے زائد آبادی کو ایک خوراک ویکسین لگ چکی ہے جس کے بعد صوبوں میں انسداد کورونا ویکسینیشن میں پنجاب سب سے آگے ہے۔ ملک میں اوسطاً 48 فیصد اہل آبادی کو کورونا ویکسین کی ایک خوراک لگ چکی ہے، اسلام آباد میں ویکسین کی اہل 87 فیصد آبادی کوایک خوراک ویکسین لگ چکی۔ اسد عمر نے بتایا کہ پنجاب میں ویکسین کی اہل نصف سے زائد آبادی کوایک خوراک ویکسین لگ چکی ہے،کے پی ویکسین لگوانے والوں میں دوسرے نمبر ہے۔ وہاں ویکسین کی اہل 48 فیصد کو ویکسین کی کم از کم ایک خوراک لگ چکی ہے۔ سندھ میں ویکسین کی اہل 40 فیصد، بلوچستان میں 17 فیصد اہل آبادی ، گلگت بلتستان میں54 فیصد اور آزاد کشمیر میں 59 فیصد اہل آبادی کو ویکسین لگ چکی ہے۔