Raza Musani 
غزہ : امریکی فوجی امداد ملنے کے بعد اسرائیل نے غزہ پر حملوں کی رفتار بڑھا دی ہے۔ اسرائیلی فوج نے وسطی اور شمالی غزہ میں ساٹھ سے زائد حملے کیے ہیں اسرائیلی فضائیہ نے کئی عمارتوں کو نشانہ بنایا ہے۔ جس میں بتیس فلسطینی شہید ہوگئے۔ خان یونس میں اسرائیلی بمباری سے دو عمارتیں گرگئیں۔ بیت الاحیہ، شاطی، جبالہ، دیرالبالح،زیتوں کے علاقوں میں اسرائیلی بمباری سے بھی فلسطینی شہید ہوئے۔ حماس اور دیگر جنگجو گروپوں نے اسرائیلی فوج کے خلاف چھاپہ مار کارروائیاں بڑھا دی ہیں جس میں پانچ اسرائیلی فوجیوں کو ہلاک اور تیس سے زائد کو زخمی کرنے کا دعویٰ کیا گیا ہے۔
