حماس کے حملے میں 3 صیہونی فوجی ہلاک، 11 زخمی، رفح میں 22 فلسطینی شہید

غزہ: غزہ میں حماس کے حملے میں تین اسرائیلی فوجی ہلاک اور گیارہ زخمی ہو گئے۔ جس میں سے دو کی حالت نازک ہے۔ مجاہدین نے کرم شالوم کے علاقے میں صیہونی فوجیوں کو نشانہ بنایا۔ اسرائیلی فوج نے تین فوجی مارے جانے کی تصدیق کر دی۔ اور رفح پر بم برسائے جس کے نتیجے میں آٹھ بچوں سمیت بائیس فلسطینی شہید ہوگئے۔ اس سے پہلے صیہونی فوج نے رفح۔ نصیرات اور دیگر علاقے میں بمباری کی جس کے نتیجے میں 32 فلسطینی شہید اور کئی زخمی ہوئے۔ سات اکتوبر کے بعد اسرائیلی حملوں میں شہید افراد کی تعداد 34 ہزار500 سے تجاوز کرگئی ہے۔