Raza Musani 
تہران : اسرائیل کے ایران پر حملوں میں چھ بچوں سمیت ستائیس افراد شہید اور بیس سے زائد زخمی ہوگئے۔ ایران کی جوابی کارروائی میں 4 اسرائیلی مارے گئے۔ اسرائیل اور امریکا نے ایران کے صوبہ بہرستان کے شہر قالیح میر دو رہائشی عمارتوں کو نشانہ بنایا جس کے نتیجے میں چھ بچوں سمیت تیرہ افراد شہید اور سترہ زخمی ہوگئے۔ مشرقی تہران میں تین مکانات تباہ ہوگئے جس کے نتیجے میں چار افراد شہید اور سات زخمی ہوگئے۔ تہران کی شریف یونیورسٹی پر حملہ میں مسجد اور گیس اسٹیشن کو تباہ کردیا گیا۔ قم شہر میں چھ جبکہ کونگ شہر میں بھی چھ افراد شہید ہوگئے۔
ایران نے جوابی کارروائی کرتے ہوئے اسرائیل میں مختلف شہروں میں اہداف کو نشانہ بنایا۔ جس سے بڑے پیمانے پر تباہی مچ گئی۔ حیفہ میں سات منزلہ عمارت زمیں بوس ہوگئی جس کے نتیجے میں چار افراد ہلاک اور دو زخمی ہوگئے۔
