Raza Musani 
غزہ :غزہ میں اسرائیلی دہشت گردی جاری ہے۔ رات سے جاری حملوں میں بائیس فلسطینی شہید اور سترہ زخمی ہوگئے۔ صیہونی فوج نے مغربی خان یونس میں مسجد کے قریب بم برسائے۔ زیتون علاقے میں فوجی گاڑیوں نے فلسطییوں پر فائرنگ کی۔ بیت حنون اور حماد ایریا میں بھی اسرائیلی ڈرونز نے عمارتوں کو نشانہ بنایا جس سے انہیں نقصان پہنچا اور انسانی جانیں گئیں۔ غزہ کی وزارت صحت نے کہا ہے کہ رواں سال کے ابتدائی نو دنوں میں چار سو نوے فلسطینی شہید ہوئے۔
2023 سات اکتوبر سے جاری صیہونی حملوں میں شہید ہونیوالوں کی تعداد چھیالیس ہزار سے تجاوز کرگئی ہے۔
ادھر شمالی غزہ میں حماس اور اسرائیلی فوج میں شدید جھڑپیں جاری ہیں جس میں صیہونی فوج کو بھاری نقصان ہوا ہے۔
