باخموت کی لڑائی میں 20 ہزار فوجی مارے گئے، ویگنر گروپ

ماسکو: روس کے ویگنر گروپ کے سربراہ یوگینی پریگوزن نے انکشاف کیا ہے کہ باخموت پر کنٹرول کے لیے کئی ماہ سے جاری جنگ میں 20 ہزار فوجی میں مارے گئے۔ یوگینی پریگوزن نے کہا کہ یوکرین میں جنگ کیلئے ویگنر گروپ نے پچاس ہزار قیدی بھرتی کئے تھے جس میں سے بیس فیصد مارے جاچکے ہیں۔ اور اتنے ہی کنٹریکٹ پر بھرتی فوجیوں کی ہلاکت ہوئی۔ اُدھر روس کے علاقے بیلگوروڈ میں دراندازی کرنے والے منحرف روسی گروپ کے کمانڈر نے کہا کہ ان کا گروپ جلد ہی یوکرین سے روسی علاقے میں مزید دراندازی شروع کرے گا۔ گذشتہ روز روسی میڈیا نے کہا تھا کہ سرحد سے گھسنے والے حملہ آوروں کو 24 گھنٹے لڑائی کے بعد پسپا کیا گیا۔ حملے میں چار بکتر بند گاڑیاں اور پانچ پک اپ تباہ ہوئی۔ جبکہ ستر سے زائد حملہ آور مارےگئے۔