Raza Musani 
تل ابیب: اسرائیل کے دو وزرا نے امریکا ایران معاہدے کو نقصاندہ قرار دیکر مسترد کردیا۔ جبکہ وزیر دفاع اسرائیل کاٹز نے کہا ہے کہ اسرائیل لبنان میں اپنے زیرِ قبضہ علاقوں سے پیچھے نہیں ہٹے گا۔ اسرائیلی قومی سلامتی کے وزیرِ اتمار بن گویر نے کہا ہے کہ اسرائیل ایک خودمختار اور آزاد ریاست ہے وہ معاہدے میں شراکت دار نہیں۔ اس لئے معاہدہ اسرائیل پر لاگو نہیں ہوتا اور نہ ہی یہ اسرائیل کی سلامتی کے مفادات کو تحفظ فراہم کرتا ہے.
وزیرِ خزانہ بیزالیل اسموٹریچ کا کہنا ہے کہ معاہدہ اسرائیل اور پوری نام نہاد آزاد دنیا کے لیے نقصان دہ ہے۔ معاہدے کے باوجود اسرائیل ایران کے خلاف اپنی حکمت عملی ترک نہیں کرے گا۔ انہوں نے دعویٰ کیا کہ ایران کو کمزور کرنے کی مشترکہ مہم نے اہم نتائج دیے ہیں اور ان کامیابیوں کو ضائع نہیں ہونے دیا جائے گا۔ اسرائیلی وزیرِ دفاع اسرائیل کاٹز نے کہا ہے کہ امریکا اور ایران کے درمیان معاہدے کے باوجود جنوبی لبنان میں اسرائیلی فوج کی موجودگی برقرار رہے گی۔ اسرائیل سکیورٹی مفادات کا ہر قیمت پر دفاع کرے گا۔ اسرائیل کاٹز نے ایران کو بھی خبردار کرتے ہوئے کہا کہ لبنان سے متعلق کسی بھی کارروائی یا حملے کا بھرپور جواب دیا جائے گا۔
