Raza Musani 
غزہ : صیہونی فوج کے حملوں میں اٹھارہ فلسطینی شہید اور درجنوں زخمی ہوگئے۔یروشلم واقعہ کے بعد صیہونی فوج نے خان یونس میں پولیس چوکی پر فضائی حملہ کیا جس کے نتیجے میں پانچ افراد شہید اور کئی زخمی ہوگئے۔ اس سے پہلے کئےگئے حملوں میں چار افراد شہید ہوئے۔
جبکہ غزہ سٹی میں واقع ایک پناہ گزین کیمپ کو نشانہ بنایا۔ جہاں شادی کی تقریب جاری تھی، کیمپ کے اندر دو میزائل آ کر گرے۔ عینی شاہدین کے مطابق دھماکوں کے بعد علاقے میں افراتفری پھیل گئی اور امدادی کارکنوں نے فوری طور پر زخمیوں اور جاں بحق افراد کو ملبے سے نکالنے کا عمل شروع کیا۔ زخمیوں اور شہداء کو فوری طور پر الشفا اسپتال اور قریبی فیلڈ اسپتال منتقل کیا گیا۔بعض زخمیوں کی حالت تشویشناک بتائی جا رہی ہے۔
