Raza Musani 
غزہ : غزہ پر اسرائیلی حملوں میں مزید بارہ فلسطینی شہید اور کئی زخمی ہوگئے۔ جبکہ ڈرون حملے میں حماس ترجمان حازم قاسم بال بال بچ گئے۔ غزہ سٹی میں اسرائیلی ڈرون نے العباس چوک کے قریب حماس ترجمان حازم قاسم کی گاڑی پر میزائل داغا جس سے گاڑی تباہ ہوگئی۔ حملے میں حازم قاسم کے ساتھی محمد الفیومی اور ایک محافظ شہید جبکہ دو افراد زخمی ہو گئے۔ حازم قاسم گاڑی میں نہ ہونے کی وجہ سے محفوظ رہے۔
نصیرات کیمپ میں فلسطینیوں کے گروپ پر حملے میں خاتون سمیت دو افراد شہید اور پانچ زخمی ہوگئے۔ اسرائیل نے چوبیس گھنٹوں کے دوران غزہ سٹی۔ دیر البلاح اور دوسرے علاقوں میں ڈرون حملے کئے اور گولہ باری کی۔ جس کے نتیجے میں آٹھ افراد کی شہادتیں ہوئیں۔ سات اکتوبر دو ہزار تئیس سے جاری اسرائیلی حملوں میں اب تک تہتر ہزار ایک سو اٹھارہ فلسطینی شہید اور ایک لاکھ تہتر ہزار چھ سو پندرہ زخمی ہو چکے ہیں۔
