Raza Musani 
غزہ :غزہ میں اسرائیلی درندگی میں کمی کے کوئی آثار نہیں۔ تازہ حملوں میں مزید گیارہ فلسطینی شہید اور کئی زخمی ہوگئے۔ صیہونی فوج نے صبح سویرے غزہ سٹی اور بیت حنون پر فضائی حملے کئے۔ خان یونس۔ دیرالبلاح ۔ بیت لاہیہ اور دوسرے مقامات کو بھی ڈرونز اور فضائی حملوں کا نشانہ بنایا گیا۔جس سےکئی فلسطینیوں کی جانیں گئیں۔ شہدا کی مجموعی تعداد چالیس ہزار 319 ہوگئی ہے۔ جبکہ زخمیوں کی تعداد بانوے ہزار 746 ہے۔ گیارہ ہزار فلسطینی تاحال لاپتہ ہیں۔ اُدھرحماس کے عسکری ونگ القسام بریگیڈ نے صیہونی فوج کیخلاف جوابی کارروائیاں کی ہیں۔ جس میں کئی فوجی ہلاک و زخمی ہوئے۔ دیر البلاح میں صیہونی فوجیوں پر گھات لگاکر حملے کئے گئے۔ اسرائیلی فوج نے اپنے تین افسران کی ہلاکت کی تصدیق کی ہے۔ انخلاء کے حکم کے بعد دیرالبلاح سے دو دن میں ایک لاکھ فلسطینی بے سروسامانی کے عالم میں نقل مکانی کرچکے ہیں۔
