Ilyas 
فیصلہ اقوام متحدہ کی سلامتی کونسل کی قرارداد کومدنظررکھ کر کیا ہے، یہ علاقہ کے نوجوانوں کا ایک بڑا اوردیرینہ مطالبہ تھا،وزیراعظم کا آزادی پریڈ سے خطاب
گلگت بلتستان کشمیر کا حصہ تھا اور رہے گا،فیصلہ جی بی کے عوام کی مرضی کے مطابق ہونا چاہیے،وزیراعظم آزاد کشمیر، اعلان جھوٹ پر مبنی ہے،سابق وزیراعلیٰ
اسلام آباد( نیوز ڈیسک)وزیر اعظم عمران خان نے گلگت بلتستان کو عبوری صوبہ بنانے کا اعلان کردیا، گلگت میں گلگت بلتستان کی آزادی پریڈ سے خطاب کرتے ہوئے عمران خان نے کہا کہ ہم نے گلگت بلتستان کو عبوری صوبائی حیثیت دینے کافیصلہ کیاہے ، یہ فیصلہ اقوام متحدہ کی سلامتی کونسل کی قرارداد کومدنظررکھ کر کیا ہے، یہ اس علاقہ کے نوجوانوں کا ایک بڑا اوردیرینہ مطالبہ تھا، وزیراعظم آزاد کشمیر راجہ فاروق حیدر خان نے گلگت بلتستان کی عبوری صوبائی حیثیت کا اعلان مسترد کردیا اور کہاکہ گلگت بلتستان کشمیر کا حصہ تھا اور رہے گا، فیصلہ جی بی کے عوام کی مرضی کے مطابق ہونا چاہیے،گلگت بلتستان کی عوام کو آئینی حق دیا جائے، گلگت بلتستان کو متبادل بھی کچھ دینا ہے ، ریفرنڈم ہوا تو اقوام متحدہ کی زیر نگرانی ہو گا، سابق وزیر اعلیٰ گلگت بلتستان حافظ حفیظ الرحمٰن نے کہا ہے کہ آئین پاکستان میں ترمیم کے بغیر گلگت بلتستان کوآئینی صوبہ نہیں بنایا جاسکتا ہے، وزیر اعظم عمران خان کا گلگت بلتستان صوبہ کا اعلان جھوٹ پر مبنی ہے۔
