واشنگٹن اور مانچسٹر میں فلسطین کے حق میں مظاہرے

 غزہ پر حملوں کے خلاف نعرے، اسرائیل پر سخت پابندیوں کا مطالبہ
واشنگٹن (نیوز ڈیسک) فلسطینیوں کے حق میں امریکا کے دارالحکومت واشنگٹن میں ریلی نکالی گئی ، نیشنل مارچ میں 100 سے زائد تنظیموں نے شرکت کی، ریلی میں شریک شرکا نے غزہ پر اسرائیلی فوج کے حملوں کے خلاف نعرے لگائے اور اسرائیل پر سخت پابندیاں عائد کرنے کا مطالبہ بھی کیا،ریلی میں شامل افراد نے فلسطینیوں پر صیہونی حکومت کے مظالم اور جرائم کی مذمت کی، ادھر برطانیہ کے شہر مانچسٹر میں فلسطینیوں کی حمایت میں اسرائیل کے لئے جنگی جہاز تیار کرنے والی فیکٹری کے سامنے مظاہرہ کیا گیا،مظاہرین فیکٹری کی دیوار پر چڑھ کر نعرے لگاتے رہے، جبکہ انھوں نے برطانوی حکومت سے مطالبہ کیا کہ وہ اسرائیل کو جنگی آلات مہیا نہ کرے