قومی نصاب کمیٹی میں علما کو شامل کیا جائے، پیر اعجاز ہاشمی

نصا ب تعلیم میں عقیدہ ختم نبوت نظر انداز کرنا قادیانیوں کی خدمت تصور ہوگا
لاہور (پ ر) جمعیت علمائے پاکستان کے مرکزی صدر اور نائب صدر متحدہ مجلس عمل پیر اعجاز احمد ہاشمی نے واضح کیا ہے کہ ختم نبوت اسلام کا اساسی عقیدہ ہے۔ پرائمری سکولوں کے مجوزہ نصا ب میں اسے نظر انداز کرنا قادیانیوں کی خدمت تصور ہوگا، قومی نصاب کمیٹی میں علما کو شامل کیا جائے، ورنہ کسی نصاب کو تسلیم نہیں کیاجائے گا، ان خیالات کا اظہار انہوں نے مختلف وفود سے گفتگو کرتے ہوئے کیا،انہوں نے کہا کہ حکومت سیکولر نظریات کو یکساں نصاب تعلیم کے نام پر قوم پر مسلط کرنے سے باز رہے، فتنہ قادیانیت کو امت مسلمہ نے مسترد کرکے اسے طویل جدوجہد کے نتیجے میں دائرہ اسلام سے خارج قراردیا تھا اور 1974ء میں پارلیمنٹ کے تاریخی فیصلے نے مستقل طورپر اسلام دشمنی کے اس باب کو ختم کردیا ہے۔اب عمران خان حکومت ہوش کے ناخن لے، نصاب میں ختم نبوت شامل کیا جائے۔