قومی اسمبلی :فلسطینیوں سے یکجہتی کیلئے متفقہ قرارداد منظور

فلسطینیوں کی نسل کشی فوری بند کروائی جائے، مسجد اقصیٰ پر حملے کی مذمت
اسلام آباد(نیوز ڈیسک) پاکستان کی قومی اسمبلی نے مظلوم فلسطینیوں سے اظہار یکجہتی کے لیے قرارداد متفقہ طور پر منظور کرلی ،قومی اسمبلی کے اجلاس میں اسرائیلی جارحیت سے نبرد آزما مظلوم فلسطینیوں سے اظہار یکجہتی کیلئے قرار داد پیش کی گئی وزیر خارجہ شاہ محمود قریشی کی پیش کردہ فلسطینیوں سے اظہار یکجہتی کی قرارداد کو قومی اسمبلی میں متفقہ طور پر منظور کرلیا گیا ،قرارداد میں واضح طور پر کہا گیا کہ قبلہ اول مسجد اقصیٰ پر اسرائیلی حملے کی شدید مذمت کرتے ہیں قرارداد میں کہا گیا کہ نہتے فلسطینیوں پر بڑھتی بربریت باعث تشویش ہے، ایوان فلسطینیوں کے لیے آزاد خودمختار ریاست کا مطالبہ کرتا ہے قراداد میں کہا گیا کہ اسرائیلی جارحیت رکوانے کے لیے سلامتی کونسل سے فوری اقدام کا مطالبہ کرتے ہیں ، ایوان مطالبہ کرتاہے فلسطینیوں کی نسل کشی فوری بند کروائی جائے۔