Raza Musani 
لاہور: سابق وزیراعظم عمران خان نے اتوار کو مینار پاکستان پر جلسے کا اعلان کردیا۔ لاہور میں پی ٹی آئی کی انتخابی ریلی سے خطاب میں عمران خان نے کہا کہ توشہ خانہ کی گھڑی کے معاملے میں مجھ پر بے حد تنقید کی گئی، کیس بنایا گيا، ہر طرح سے میری کردار کشی کی گئی۔ توشہ خانہ کیس میں دودھ کا دودھ پانی کا پانی ہو گیا۔ ن لیگ کی فنڈنگ سامنے آئی تو سب پتا لگ جائے گا۔ انہوں نے کہاکہ ہمیں مل کر جدوجہد کرنی ہے، ساری قوم کو مل کر جدوجہد کرنا ہوگی۔ ملک کے اوپر چوروں کا ٹولہ مسلط ہے، ان چوروں کے احتساب اور حقیقی آزادی کیلئے قوم کو نکلنا ہوگا۔ پی ٹی آئی چیئرمین نے مزید کہا کہ کامیاب تاریخی ریلی پر مرکزی اور صوبائی قائدین کو مبارک باد دیتا ہوں۔
