عراق میں فوجی آپریشن،داعش کے 120ٹھکانے تباہ، درجنوں ہلاک

جنوبی موصل میں مخمور کی پہاڑیوں میں شدید بمباری سے داعش کے خفیہ اڈے تباہ ، دیالہ میں دہشت گردوں کے درجنوں ٹھکانوں کو تہس نہس کردیا گیا
نینوا میں بھی اسٹریٹیجک فوجی آپریشن شروع، صلاح الدین میں شدالشعبی کے 2 جوان شہید ، امریکی فوجی عراق کی اربیل فوجی چھاونی سے نکل گئے
بغداد(نیوز ڈیسک) امریکی فوجی عراق کی اربیل فوجی چھاونی سے نکل گئے ،انہیں ورٹ بلیس ٹیکساس فوجی چھاونی میں منتقل کردیا گیا ہے، ادھر صوبہ صلاح الدین میں داعش کے حملے میں عوامی رضاکار فورس حشدالشعبی کے 2 جوان شہید ہو گئے، دیالہ کے شہر بعقوبہ کے شمالی مشرقی علاقے میں بم دھماکے میں عراقی سیکورٹی فورس کے چار اہلکار جاں بحق و زخمی ہو گئے،ا ±دھر شمالی عراق میں فضائی بمباری میں داعش کے120 خفیہ ٹھکانوں کو بھی تہس نہس کردیا گیا ،یہ کارروائی جنوبی موصل میں واقع مخمور کی پہاڑیوں میں کی گئی، داعش کے خفیہ اڈوں کو ختم کرنے کیلئے کئے گئے آپریشن میں داعش کے27 سے زیادہ دہشت گرد ہلاک اور متعدد زخمی ہوگئے، صوبہ نینوا کے بعض علاقے خاص جغرافیائی پوزیشن اور دشوار گذار راستوں کے پیش نظر دہشت گردوں کے اکٹھا ہونے کا مرکز بن گئے ہیں ،جہاں اسٹریٹیجک فوجی آپریشن شروع کردیا گیا ہے،گذشتہ ہفتے دیالہ میں دہشت گردوں کے درجنوں ٹھکانوں کو تہس نہس کردیا تھا، 9 مارچ سے شروع کئے گئے آپریشن میں 312 فضائی حملے انجام پا چکے ہیں اور داعش کے 120خفیہ اڈوں کو تباہ کیا جا چکا ہے جبکہ بڑی تعداد میں داعش دہشت گرد ہلاک اور زخمی ہو چکے