عراق میں امریکی فوج نشانہ پر،چھاونی اور قافلوں پر حملے

بغدا د میں فوجی اڈے پر نامعلوم مقام سے 3راکٹ داغے گئے،دو راکٹ اڈے کے قریب اور تیسرا آبادی میں ایک مکان پر گرا،کوئی نقصان نہیں ہوا
کویت اور شام سے داخل ہونیوالے امریکا کے6 فوجی قافلوں پر دیوانیہ، بابل، ذی قاراور صلاح الدین میں حملے،امریکی فوجی گاڑیوں کو نقصان پہنچا
 بغداد(نیوزڈیسک)عراق میں انٹرنیشنل ایئرپورٹ اور امریکی فوجی اڈے کے نزدیک نامعلوم مقام سے داغے گئے تین راکٹس آکر گرے ہیں ، 2 میزائل ہوائی اڈے کے جوار میں امریکی فوجی اڈے کے نزدیک گرے جبکہ تیسرا میزائل الا جہاد محلے کے ایک مکان پر لگا جس سے عمارت کو شدید نقصان پہنچا ہے تاہم تینوں میزائلوں کے گرنے سے جانی نقصان نہیں ہوا ،میزائل گرنے کے واقعات کے بعد ریڈ زون میں سیکیورٹی مزید سخت کردی گئی اور ایئرپوٹ پر سرگرمیاں بھی معطل رہیں،ادھر 24گھنٹوں کے دوران 5امریکی فوجی قافلوں کو نشانہ بنایا گیا، رات کے اوقات میں امریکا کے 5 فوجی کاروانوں پر حملے دیوانیہ، بابل اور ذی قار صوبوں میں کئے گئے جس میں فوجی گاڑیوں کو نقصان پہنچا جبکہ چھٹا حملہ صوبہ صلاح الدین میں کیا گیا، دیوانیہ اور بابل صوبوں میں امریکی فوجیوں کے قافلوں پر حملوں کی ذمہ داری اصحاب الکہف گروہ نے قبول کی ہے ، عراق میں امریکی فوجیوں کےان قافلوں کو نشانہ بنایا جاتاہے جو عراق کیلئے امدادلانے والے قافلے شام یا کویت کی سرحدوں سے عراق میں داخل ہوتے ہیں