عالمی برادری اسرائیلی حملے بند کرائے ،پاکستان ملائشیا

اقوام متحدہ کی قراردادوں کے مطابق مسئلہ فلسطین کا حل نکالنے پر اتفاق
اسلام آباد(نیوز ڈیسک)وزیراعظم عمران خان اور ملائیشیا کے سابق وزیراعظم ڈاکٹر مہاتیر محمد نے فلسطینیوں پر اسرائیلی جارحیت کی شدید مذمت کی ہے، عمران خان نے سابق ملائیشین ہم منصب سے ٹیلیفونک رابطہ کیا اور فلسطین کی سنگین صورتحال پر تبادلہ خیال کیا،دونوں رہنماو ¿ں نے اسرائیلی جارحیت کی شدید مذمت کے ساتھ فلسطینیوں سے اظہار یکجہتی بھی کیا اور عالمی برادری سے اسرائیلی حملے رکوانے کے لیے ہنگامی اقدامات اٹھانے کا مطالبہ کیا، عمران خان نے کہا کہ فلسطین پر اسرائیلی مظالم قابلِ مذمت ہیں ، اس موقع پر عمران خان اور ڈاکٹر مہاتیر محمد نے اقوام متحدہ کی قراردادوں کے مطابق مسئلہ فلسطین کا حل نکالنے پر اتفاق کیا۔