Raza Musani 
مقبوضہ بیت المقدس : صیہونی پولیس نے مسجد اقصیٰ کے کمپاؤنڈ میں نماز جمعہ کے لیے جمع فلسطینیوں پر اسٹن گرینیڈز اور ربڑ کی گولیوں سے حملہ کردیا، جس سے 3 افراد زخمی ہوگئے۔ صیہونی پولیس نے نمازیوں کو مسجد اقصیٰ کے کمپاؤنڈ میں داخلے سے روکا جو ممکنہ طور پر نئی حکومت کے احکامات تھے۔ ہلال احمر کی ایمرجنسی سروس کا کہنا تھا کہ دو فلسطینی ربڑ کی گولیاں لگنے سے زخمی ہوگئے اور تیسرا پتھر لگنے سے زخمی ہوا۔ فلسطینی نوجوانوں نے ردعمل میں کمپاؤنڈ کے قریب موجود پولیس اسٹیشن پر پتھراؤ کیا جنہوں نے اسٹن گرینیڈ اور ربڑ کی گولیاں فائر کی تھیں۔ نماز جمعہ کے بعد ہزاروں مظاہرین نے ریلی نکالی فلسطینیوں نے ریلی کے دوران چند اسرائیلیوں کی جانب سے پیغمبر اسلام ﷺ کی شان میں گستاخی کرنے کی ویڈیوز سوشل میڈیا پر آنے کے بعد احتجاج کیا۔
