سعودیہ میں ڈاکارریلی ،4اسرائیلی ڈرائیورز کی شرکت

دو ڈرائیورز نے بیلجئم اور دو نے امریکا کی جانب سے کار ریس میں حصہ لیا
 ریاض (نیوز ڈیسک) اسرائیلی کھلاڑیوں نے پہلی بار سعودی عرب میں ڈاکار ریلی میں شرکت کی ، 3سے 15جنوری تک جاری رہنے والی ڈاکار ریلی میں حصہ لینے کیلئے4 اسرائیلی ڈرائیور اپنے ملک کے پاسپورٹ پر سعودی عرب میں دخل ہوئے تاہم اسرائیل نے براہ راست ڈاکار ریلی میں حصہ نہیں لیا،اسرائیلی میڈیا کی رپورٹ کے مطابق دو اسرائیلی ڈرائیور ڈینی پرل اور چارلی گوٹلب اسرائیلی پاسپورٹ پر سعودی عرب پہنچے اور بیلجیم کی جانب سے ریس میں حصہ لیا،دو ڈرائیورز نے امریکی پرچم تلے ریس میں شرکت کی،رپورٹ کے مطابق سعودی حکام اسرائیلی ڈرائیورز کے ریلی میں حصہ لینے سے پوری طرح آگاہ ہیں اور انہوں نے اس پر کوئی ردعمل نہیں دیا ہے