دباؤ مسترد، ایران کاجوہری پروگرام جاری رکھنے کا اعلان

کسی ملک کے اقدامات یا پالیسی سے ایران کا ایٹمی پروگرام متاثر نہیں ہوگا
تہران(نیوز ڈیسک) ایران نے امریکی دباؤ کے باوجود جوہری توانائی کے پروگرام کو مزید عزم کے ساتھ جاری رکھنے کا اعلان کردیا، ایٹمی توانائی کے ادارے(اے ای او آئی)کے ترجمان بہروز کمال واندی نے کہاہے کہ امریکا نے اے ای او آئی کے سربراہ علی اکبر صالحی پر پابندیاں لگا کر نفسیاتی ماحول بنانے کی کوشش کی ہے تاہم حقیقت میں اسے کوئی کامیابی نہیں ملے گی،انہوں نے صالحی پر پابندیوں کو فضول اور غیرموثر قرار دیا،کمال واندی نے مزید کہاکہ کسی ملک کے اقدامات یا پالیسی کی وجہ سے ایران کا ایٹمی پروگرام متاثر نہیں ہوگا، ہم وہی کریں گے جو ملک کے فائدے میں ہوگا۔