داعش کیخلاف کامیابی شہدا کے خون کی مرہون منت

 کوئی بھی اس عظیم کامیابی کا درخشاں رنگ پھیکا نہیں کرسکتا، نصر الشمّری
بغداد (نیوز ڈیسک) عراق سے داعش کے نجس وجوداورنام نہاد خلافت کے خاتمے کی سالگرہ پر النجبا تحریک کی سیاسی کونسل کے ترجمان نصر الشمّری نے کہا ہے کہ شہید قاسم سلیمانی اور شہید ابو مہدی المہندس کی راہ کو بدستور جاری رکھا جائے گا،انہوں نے داعش کیخلاف جنگ میں کامیابی عظیم کمانڈروں کی فداکاری اور شہدا کے پاکیزہ خون کی مرہون منت قرار دیا ہے ،ترجمان نے کہا کہ کوئی بھی اس عظیم کامیابی کا درخشاں رنگ پھیکا نہیں کرسکتا اور اس کی درخشندگی ہمیشہ باقی رہے گی ، عراقی قوم امریکا اور اسرائیل کے حمایت یافتہ تکفیری دہشت گرد ٹولوں کے مقابل استقامت کا مظاہرہ کرنے پر اسلامی جمہوریہ ایران کی کاوشوں کو قدر کی نگاہ سے دیکھتی ہے