ایٹمی مذاکرات میں خلیجی ممالک کو شامل کرنے کا مطالبہ مسترد

 سعودی اپنی سطح سے اوپر بات نہ کریں تاکہ شرمندگی نہ ہو، ایرانی وزارت خارجہ
 تہران(نیوز ڈیسک) ایران نے جوہری پروگرام پر مذاکرات میں سعودی عرب کی طرف سے خلیجی ریاستوں کی شمولیت کے مطالبے کو مکمل طور پر مسترد کردیا،
سعودی وزیر خارجہ شہزادہ فیصل بن فرحان نے مطالبہ کیا تھا کہ ایران کے ساتھ مذاکرات کے موقع پر سعودی حکومت سے مکمل مشاورت کی جائے ، ایران کی وزارت خارجہ کے ترجمان سعید خطیب زادہ نے کہا کہ ہر کسی کو بات کرنے کی آزادی ہے ، لیکن بہتر ہے کہ وہ اپنی سطح سے اوپر بات نہ کریں تاکہ شرمندگی نہ ہو، انہوں نے جوہری معاہدے کی تجدید کے خلاف ایران کے موقف کا اعادہ کیا اور کہا کہ جے سی پی او اے پہلے ہی لکھا جا چکا ہے