ایران، روس، چین امریکا کے معاشی دشمن ملک قرار

 مواصلاتی ٹیکنالوجی کی لین دین پر پابندی لگائی جاسکے گی، آرڈیننس جاری
واشنگٹن (نیوز ڈیسک) امریکی وزارت اقتصادیات نے نیا اندرونی دستورالعمل جاری کر کے ایران، روس، چین، کیوبا، وینزویلا اور شمالی کوریا کو دشمن ممالک سے تعبیر کیا ہے اور مواصلاتی ٹیکنالوجی کی لین دین میں رخنہ اندازی کی جا رہی ہے ،اس دستورالعمل کا مقصد، امریکا کی قومی و معاشی سلامتی، انٹیلی جنس اور مواصلاتی ٹیکنالوجی و خدمات سے متعلق لین دین کو تحفظ فراہم کرنا ہے ، آرڈیننس کے تحت دشمن قرار دیئے جانے والے ممالک سے مواصلاتی ٹیکنالوجی کی لین دین پر پابندی کا اختیار دیا گیا ہے آئندہ دو ماہ کے اندر اس سلسلے میں نئے قوانین پر عمل کیا جائے گا اور ان قوانین پر عمل کے طریقہ کار کے بارے میں فیصلہ امریکا کی آئندہ جوبائیڈن حکومت طے کرے گی